SALAMAT SA DIOS

Karon adlawa ang pinaka suwerte ko nga adlaw
Akong nakita ang himaya sa Dios
Niadtong mga katuigan sa pagsakripisyo
Bisan dili na i -apil ang mga kalipay
Nagluhod ug gitugyan sa Amahang Dios

Oo ako hugot nga nagatuo
Niini mismong adlawa akong nadawat
Nawala ang tanang mga kahadlok

Ipakita, ipa-ila sa tanang mga kristohanon
Kanhi naglibog diha sa kangitngit
Nakitagbo sa Espiritu Santo
Damgo nga may katumanan

Mga higala, mga igsoon
Kalaambo-an uban sa Panalangin sa Dios
Tulomanon sa pagdayeg karon ug sa kahangturan

Hinaut nga niining importante nga adlaw
Kuhaon ug anihon ang bunga sa pagkamatinud-anon

Singkwenta anyos na ang milabay
Dili na inosente sa espirituhanon nga kinabuhi
Wala na ang kahadlok
Nagpamatuod lamang pinaagi sa giya sa Dios
Dili na masakiton ang kalag)
Bisan ang balanse nga pagkaon adunay kulang
Karon, ugma, ug sa sunod pa
Malipayon sa mga katuigan nga paabuton

Dad-a kining sinulat nga walay kamatayon
Isipa na lang nga ako nagasaulog

Tigmo diha sa akong huna-huna
Mga Pongpong sa rosas isip pagpadasig
Kumusta bag-ong kalibutan para sa bag-ong paningkamot
Milabay ang mga adlaw apan ang kalag nakaapas
Niining taknaa akong nahanduraw
Oo, Ang Paraiso.... Makab-ot na!